Skearnegoutum kampioen, trije prizen foar de Rûge Wolf

 

Damklub  de Stadige Strikers út Skearnegoutum soarge op de klubkampioenskippen yn Easterein foar in grutte ferrassing. Troch favoryt Hartwert yn in de tredde ronde te ferslaan mei 4.5-3.5 eindigen se op it earste plak yn de heechste klasse. Dat is foar it earst yn de histoarje fan de klub.

 

It team fan Skearnegoutum is bliid mei it earste kampioenskip yn de klubhistoarje

 

Der dienen 18 teams mei oan it kampioenskip, dus 144 dammers. Blauhûs hie mar leafst 4 teams byelkoar witte te bringen, in hiele prestaasje. De Rûge Wolf út Lollum/Waaksens wie der mei twa teams, en beide hellen knap it earste plak yn harren klasse. Lollum 2 giet dus fan de 5de nei de 4de klasse, en Lollum 1 giet fan de 3de nei de 2de. Lollum 1 wist ek noch it Hokwerda skild te bemachtigjen, ûnder oaren troch twa kear mei 8-0 te winnen. Troch yn de tredde ronde grutte konkurrent Jorwert te ferslaan mei 5-3  hellen se úteinlik 21 boerdpunten út 24 partijen.

 

De Rûge Wolf wûn 2 kear mei 8-0...

 

...en helle it maksimale der út.

 

Hjir inkele partijen út it kampioenskip

(klik op de link om se online te besjen)

 

Taeke Kooistra tsjin Augustinus van der Goot

Jelle Wiersma tsjin Taeke Kooistra

Pieter Hoogterp tsjin Stoffel Bouma

Folkert Groenveld tsjin H. Postma

Meike van der Meer tsjin Jouke Algra

 

Hjir alle útslaggen op in rygje

 

Groep 1

 

1. Skearnegoutum 1

2. Hartwert 1

3. Wurdum

4. De Gaastmar 1

 

Groep 2

 

1. Aldegea 1

2. Skearnegoutum 2

3. Blauhûs 1

4. Hartwert 2

 

Aldegea 1 docht takom jier wer mei foar de heechste titel.

 

Groep 3

 

1. Lollum/Waaksens 1

2. Jorwert

3. Aldegea 2

4. De Gaastmar 2

 

Marten Walinga mei de beker en it Hokwerda skild foar Lollum/Waaksens 1

 

Groep 4

 

1. Blauhûs 2

2. Hartwert 3

3. Skearnegoutum 3

 

Blauhûs wurdt hieltyd sterker, hjir de priis foar harren twadde team.

 

Groep 5

 

1. Lollum/Waaksens 2

2. Blauhûs 3

3. Blauhûs 4

 

Wa´t de jeugd hat, hat de takomst. Harmen Westra mei de beker foar Lollum/Waaksens 2

 

Hjirûnder noch mear foto´s, klik op de lytse foto om de grutte te besjen: